اسلام آباد: سی ڈی اے کے 11 پلاٹس 13 ارب سے زائد میں فروخت

  • 3 months ago
  • News
  • 0

اسلام آباد: وفاقی ترقیاتی ادارےکیپیٹل ڈیویلپمنٹ اتھارٹی (سی ڈی اے) کے زیر اہتمام کمرشل پلاٹس کی سہہ روزہ نیلامی اختتام پذیر ہوگئی۔ تین روزہ پلاٹوں کی نیلامی میں مختلف کٹیگریز کے 11 پلاٹس 13.451 ارب روپے میں نیلام کئے گئے۔

تفصیلات کے مطابق نیلامی کے آخری روز بلیو ایریا میں واقع 611.11 مربع گز کا پلاٹ نمبر 18 سیکٹر (G-9/F-9) ایک ارب 31 کروڑ 69 لاکھ روپے میں فروخت ہوا۔ جبکہ آچررڈ سکیم میں 20 کنال کا پلاٹ نمبر 79 چالیس کروڑ روپے میں نیلام ہوا۔

مزید برآں 133.33 مربع گز کے دو کلاس تھری شاپنگ سینٹر سیکٹر G-11/3 میں 16 کروڑ 46 لاکھ اور 15 کروڑ 73 لاکھ روپے میں نیلام ہوئ۔ جبکہ سیکٹر I-11/1 میں 133.33 مربع گز کا کلاس تھری شاپنگ سینٹر 11 کروڑ 46 لاکھ اور سیکٹر D-12/1 میں 133.33 مربع گز کا کلاس تھری شاپنگ سینٹر 16 کروڑ روپے میں فروخت ہوا۔

نیلامی کی نگرانی سی ڈی اے ممبر فنانس کی سربراہی میں بنائی گئی نیلامی کمیٹی نے کی۔کمیٹی نے نیلام عام کو شفاف اور مقابلے کی فضاء بنانے کے لئے مؤثر انتظامات کئے۔ جس کے باعث سرمایہ کاروں نے بولی میں بڑھ چڑھ کر حصہ لیا۔ اور اپنی پسند کے مطابق پلاٹ حاصل کئے. چیئرمین سی ڈی اے نے نیلامی کمیٹی کی طرف سے کئے جانے والے اقدامات، شفافیت اور کامیاب نیلام عام کو سراہا۔

واضح رہے نیلامی کے تینوں دن مختلف کٹیگریز کے کمرشل پلاٹس ڈویلپ سیکٹرز سمیت کمرشل مراکز میں پیش کئے گئے جو سرمایہ کاروں کی توجہ کا مرکز رہے۔ علاوہ ازیں نیلامی میں بلیو ایریا سمیت مختلف مراکز اور پارک روڈ کے پلاٹس فروخت کئے گئے۔ اسی طرح پیٹرول پمپس، ہوٹل، اپارٹمنٹس، کلاس تھری شاپنگ سینٹرز، ایگرو فارمز، آئی اینڈ ٹی (G-11 مرکز) سمیت ہاسپٹلز کے پلاٹ بھی سہہ روزہ اوپن آکشن میں نیلام کئے گئے۔

موصول ہونے والی بولیوں کو  مکمل جانچ پڑتال کے بعد سی ڈی اے بورڈ کے سامنے پیش کیا جائے گا، جو بولیوں کو منظور یا مسترد کرنے کا مجاز فورم ہے۔

اس موقع پر سی ڈی اے انتظامیہ کا کہنا تھا کہ نیلامی سے حاصل ہونے والی آمدنی شہر کی ترقیاتی سرگرمیوں کو مزید تیز کرنے کے لئے استعمال میں لائی جائے گی۔ بالخصوص طویل عرصہ سے تعطل کا شکار ترقیاتی سرگرمیوں کو ترجیحی بنیادوں پر مکمل کیا جائے گا۔

(فرح رحمان)

Join The Discussion

Compare listings

Compare